Литература каçĕ

Чãваш чĕлхи кунне тата  чãвашсене çутта кãларнã сумлã та чаплã педагогãн И.Я.Яковлевãн ятне халалласа Аçãмçырмари вãтам шкулта литература каçĕ иртрĕ.  Ку мероприятие 5-8 класс ачисем хутшãнчĕç. Унта аллã çул хушши тãван халãха çутталла туртнã хастар çын ячĕпе сãвã йĕркисем  шãранчĕç.  Çавãн пекех ку мероприятире  Чĕмпĕрти чãваш шкулĕн ырã енĕсем çинчен  çырнã йĕркесем те кãмãла çĕклерĕç.

Тãван халãх сãмахлãхне çунат панã çын ятне никам та манас çук. Иван Яковлевич çырнã калавсем калãпãшĕпе пысãк маар, анчах та тÿрех ãша вырнаçаççĕ. Литература каçĕнче 7 класс ачисем И.Яковлев калавĕсем тãрãх йĕркеленĕ инсценировкãсене те кãтартс а пачĕç. Вĕсен шутĕнче «Кахалпа юлхав» тата «Тилĕпе тãрна» юмахсем пулчĕç.

 И.Я.Яковлев чãваш халãхĕшĕн  тунã тепĕр пысãк ĕç -  «Чãваш халãхне панã халал». Каярахпа çак чун халалне  пилĕк чĕлхепе пичетлесе кãларнã. Çав халалãн пĕр пайне ачасем  чãвашла, вырãсла тата акãлчанла шãрантарчĕç.

Литература каçĕ питĕ кãмãллã иртрĕ. И.Я.Яковлев ячĕ, ĕçĕ-хĕлĕ нихãçан та манãçаймĕ. Ялан асра юлĕ.